विसावा

तू दिलासा माझा
माझ्या मनाचा विसावा
जरा हालचाल माझ्या मनात
अन लगेच तुला सुगावा

जरा डोकावले डोळ्यात
अन सारे कळलेले तुला
मनाची दशा माझ्या
तुझ्या पासून लपेना

मी तप्त धरती
तू पावसाचा शिडकावा
सौम्य गीत तुझे अन
सुट्टी तक्रारीच्या सूरान्ना 

तू दिलासा माझा
माझ्या मनाचा विसावा

विसम्बुन तुझ्यावर
मी विसावते क्षणभर

स्पर्शाने तुझ्या
सुखावते मनोमन

मी शांत सांजवेळ
तू राग मारवा

ऋतुचा जिथे कठीण ऊष्मा

तिथे तू पहाटेचा गारवा 

तू दिलासा माझा
माझ्या मनाचा विसावा

माझे असणे तुझ्या शिवाय
स्वरांशी गायकाचा जणू दुरावा
मी गीत असावे तू गायलेले

त्यातून हलकेच येणारा गोडवा

माझे मन म्हणजे

केवळ तुझा मागोवा 

नाजुक स्वप्नाळू हळवा

तू माझ्या स्वप्नाचा परतावा

तू दिलासा माझा
माझ्या मनाचा विसावा

जरा हालचाल माझ्या मनात

अन लगेच तुला सुगावा

-मुक्ता